هذا أثر

ملل الفرح

بريشة : أ. خالد الملوقي

( ليه الفقير يفصل الثوبه جيوب ؟!! )

الشاعر : ( أحمد البلوي )

…

أقول تبنا يا قصيدي .. ولا أتوب
!

دام الزمان يوجه الشوف يمي

..

كم من كلامن لا طلع مات مصلوب ؟

وكم من كلام يموت من دون فمي ؟!

..

ياصاحبي كن الحوايج غدت ثوب

وكن الفقر دلال بأطراف كمي !

..

والليل يشرب من فم الفاقه ذنوب

كيف أنحر العزه وأسميه عمي !؟

..

والحاجه اللي خلت الكلب محسوب

تنبح على جثة عزيز(ن) بدمي

..

هذي عيوني للمساء كلها دروب

يا اول دروب العمر لا طحت تمي

..

تعبت أمشي داخلي لحظة غروب

تعبت أنا أسئل كل ما أحتجت ظمي:

..

ليه الفقير يفصل الثوبه جيوب؟؟!

ياجيوب فقره من عنا الوقت لمي !!

..

ياصاحبي واللي رفع هالسماء نوب

أحس فيني حزن ماهو مسمي

..

وأحاول أغسل من عنا يومي قلوب

وأمرر الضحكه على عيون أمي

..

وأرجع وأحاول قد ما فيني أتوب

وكل الكلام يموت من دون فمي

..

والحاجه اللي خلت الكلب محسوب

تنبح على جثة عزيز(ن) بدمي

…